پروان پوهنتون کې د وینا فن یو ورځنی سمینار تر سره شو
پروان پوهنتون کې د وینا فن یو ورځنی سمینار تر سره شو
د پروان پوهنتون په ژبو او ادبیاتو پوهنځي کې د محصلانو لپاره د وینا فن په اړه تر «د وینا فن، د شخصیت ظهور» نامه لاندې یو ورځنی سیمنیار تر سره شو. په پیل کې د پروان د اطلاعاتو او کلتور ریاست د ځوانانو چارو امر شاه محمد بشیر د سمینار د مېلمه په توګه پرانېستونکې وینا وکړه او د وینا فن پر مهارت او ګټو یې ټینګار وکړ. هغه زیاته کړه چې محصلین په ځانګړي ډول د ادبیاتو محصلین باید په دې برخه کې خاص مهارت ولري.
ورپسې د ژبو او ادبیاتو پوهنځي د پښتو څانګې استاد او د فرهنګي کمېټې رئیس د موضوع په تړاو سمینار وړاندې کړ او څرګنده یې کړه چې د وینا د فن په وسیله د ځوانانو پټې وړتیاوې را څرګندېږي او په ټولنه کې یې د ټولنیز اغېز سبب ګرځي. د سمینار په پای کې اړوندو پوښتنو ته ځوابونه ورکړل شول او په دعایه سره پای ته ورسېد.
د یادونې وړ ده چې په دې وروستیو کې د لوړو زده کړو وزارت د غوښتنې پر بنسټ د هېواد په ټولو پوهنتونونو کې د ژورنالېزم او ادبیاتو پوهنځي د محصلانو لپاره د وینا یا خطابې فن په تړاو ځانګړي یو ورځیني سمینارونه ورکړل شوي چې مثبتې پایلې لري.
د پروان پوهنتون د خپرونو دفتر
