چهارشنبه د تلې میاشتې په ٢٦ نېټه پروان پوهنتون کې د کرني پوهنځي د استادانو تر څارنې لاندې د یاد پوهنځي په څېړنیز فارم کې زده کړیالانو ته د څو ډوله هنګ بوټو کرلو تجربه وروښودل شوه.
چهارشنبه د تلې میاشتې په ٢٦ نېټه پروان پوهنتون کې د کرني پوهنځي د استادانو تر څارنې لاندې د یاد پوهنځي په څېړنیز فارم کې زده کړیالانو ته د څو ډوله هنګ بوټو کرلو تجربه وروښودل شوه.
د کرنې پوهنځي رئیس پوهنیار عبدالجبارچرخي وویل، چې د کرنې پوهنځي څېړنیز مرکز تل د تجربو د تر لاسه کولو په لټه کې وي، چې د پروان ولایت باغدارانو ته دا معلومات ورکړي چې د پروان په خاوره کې کوم ډول ورایټي د ډېرو حاصلاتو سبب کېږي.
په ورته وخت کې د محصلانو چارو مرستیال پوهنیار محمد علیم مجددي له زده کړیالانو او استادانو څخه مننه وکړه او زیاته يې کړه چې د لسګونو پوهنځیو زده کړیالانو ته د لا ښې زده کړې زمینه مساعده شي او هڅې رواني دي چې دغه بهیر د لسګونو پوهنځیو د زده کړیالانو لپاره لا زیات شي.
په ورته وخت کې د زده کړیالانو د دغې ډلې مرستیال استاد پوهنیار عبدالعلیم عثماني وویل، چې په دغه څېړنیز مرکز کې دوی هر کال د زده کړیالانو د ښې روزنې او تر ټولو زیات د پېژندنې په موخه لسګونه مېوې، سبزيجات، او حبوبات تجربه کوي، چې نن د کرنیزو خدمتونو د وړاندې کولو د یوې مؤسسې په مرسته د هنګ د بېلابېلو ډولونو څه د پاسه زر (۱۰۰) نیالګي کېنول شوي، تر څو د پروان په چاپيریال کې د تولید شویو ميوو ډول معلوم شي.
له بلې خوا یو تن زده کړیال عین الدین په خوښۍ سره زیاتوي، چې دا ډول تجربې او عملي درسونه د زده کړیالانو د د پوهې د لوړولو لامل ګرځي.
